ත්‍රිරෝද රථ විද්‍යුත්කරණය සදහා USAID සමග DPMC ගිවිසුමත් අත්සන් තබයි
විද්‍යුත් ත්‍රිරෝද රථ සදහා පහසුකම් සැලසීමේ අවබෝධතා ගිවිසුමක් USAID ශ්‍රී ලංකා බලශක්ති වැඩසටහන සහ ඩේවිඩ් පීරිස් මෝටර් කම්පැනි (DPMC) අතර අද අත්සන් තැබිණි.
නව හවුල් ගිවිසුම යටතේ ඉන්ධන දහනයෙන් ධාවනය වන එන්ජිමක් සහිත ත්‍රිරෝද රථ DPMC විසින් විද්‍යුත් බවට පරිවර්තනය කර අපගේ දීපව්‍යාප්ත සේවා මධ්‍යස්ථාන හරහා අලෙවියෙන් පසු සේවය ලබා දෙනු ඇත. USAID හි ශ්‍රී ලංකා බලශක්ති වැඩසටහන තාක්ෂණික සහාය සහ ආරෝපණ මධ්‍යස්ථාන ජාලයක් ස්ථාපිත කිරීමට සහාය ලබා දෙන අතර අතර එමගින් විද්‍යුත් ත්‍රිරෝද රථ පවත්වාගෙන යාම සදහා සුදුසු පරිසරයක් ඇති කිරීමට උපකාරීවේ.
මෙම අවස්ථාවට ශ්‍රී ලංකාවේ ඇමෙරිකානු තානාපතිනි ජූලි චන්ග් මහත්මිය, විදුලිබල හා බලශක්ති අමාත්‍ය කංචන විජේසේකර මහතා සහ USAID සහ ඇමෙරිකානු තානාපති කාර්යාලයේ ප්‍රභූන් රැසක් සහභාගී විය. DPMC විසින් මේ වන විට විද්‍යුත් බවට පත් කර ඇති වාහන රැසක පරික්ෂා ධාවනයකට සහභාගී වීමටද පැමිණි සිටි අමුත්තන්ට එහිදී අවස්ථාව ලැබුණි.
ඩේවිඩ් පීරිස් මෝටර් කම්පැනි (ප්‍රයිවට්) ලිමිටඩ් ශ්‍රී ලංකාවේ රථවාහන ශේත්‍රයේ විශාලතම සමාගම වන අතර පිරිමැසුම්දායී, විශ්වාසවන්ත හා දැරිය හැකි මිලට ඇති රථවාහන ක්ෂේත්‍රයේ අද්විතීය නාමය වේ.